Justin Bieber është nga ata burra që mund të na tregojë gjithë ditën sa i dashuruar është më gruan e tij, por di gjithashtu të bëjë shaka të lezetshme rreth martesës. I ftuar në "The Ellen DeGeneres Show", gjatë një interviste me Demi Lovato-n, këngëtari tha se martesa e tij me Hailey-n ishte "e përcaktuar" që më parë.
"Jemi takuar gjatë regjistrimit të një programi, herët një mëngjes. Jam i sigurt që ajo s'donte të vinte. I ati e ka ngritur me zor nga shtrati. Mendoj se kjo martesa jonë ishte e caktuar që më parë..."- shprehet Justin duke iu referuar besimit fetar të familjave përkatëse.
"Mendoj kështu sepse ajo është rritur në një familje të krishterë. Tani që po kthehem pas në kohë, jam i sigurt që kjo martesa jonë ka qenë përfundimisht e paracaktuar. Ka qenë një skenë e improvizuar e të atit. Ata ndajnë të njëjtat vlera dhe besime me ne, kështu që ai ka besuar se do të jemi miq të mirë."- vazhdoi shakanë Bieber.
Sado ëmbël të tingëllojnë për Hailey-n batutat e bashkëshortit, për fansat e Selena-s mbeten pa kripë. Jemi të sigurtë!
