Jeff Bezos dhe e fejuara e tij, Lauren Sanchez, tërhoqën vëmendjen në inaugurimin presidencial, por këtë herë, jo për arsyet që mund të prisnit. Lauren u shfaq në Capitol me një pallto të bardhë, që më pas hoqi për të zbuluar një kostum Alexander McQueen të kombinuar me reçipeta të bardha – një zgjedhje që ndezi debat të gjerë në rrjete sociale.

Shumë kritikë online e cilësuan veshjen “të papërshtatshme” për një event politik, duke e konsideruar tepër zbuluese. Ndërkohë, në mbrëmjen inauguruese, Lauren zgjodhi një fustan ngjyrë pjeshke nga Dolce & Gabbana, të shoqëruar me vathë me perla, duke e kthyer atmosferën në më festive.

Por si reagoi Lauren ndaj kritikave? E qetë dhe pa fjalë, ajo ndau foto nga mbrëmja në Instagram. Edhe pse komentet ishin të kufizuara, disa vlerësime pozitive qëndruan në profilin e saj. Një koment i lexonte: “Mos i dëgjo ata që të kritikojnë! E vetmja gjë që ka rëndësi është mendimi yt dhe i Jeff-it.”Ndërkohë, në internet, situata mori përmasa të mëdha kur një moment i vogël - shikimi i Mark Zuckerberg drejt reçipetave të Lauren-it -  u bë viral. Christine Quinn ironizoi situatën duke shkruar: “Gruaja e Jeff Bezos në inaugurim me një veshje që duket sikur NASA po e lançon në orbitë? Veshje e bukur, por jo në vendin e duhur.”

Pavarësisht gjithçkaje, Lauren i qëndroi stilit të saj të guximshëm, duke dhënë një përgjigje të heshtur, por shumë të qartë: kritikat nuk e ndalin.