A janë ndryshe shoqëritë mes djemve dhe vajzave? Studimet thonë që janë. Ndryshe nga gratë, burrat shfaqin një qasje tërësisht ndryshe ndaj rrethit shoqëror që krijojnë.
Ja disa dallime kryesore, por të rëndësishme aq sa për të kuptuar ndryshimin.
1. Miqësitë e djemve janë më pak emocionale.
Ju ka ndodhur të përfshiheni shumë emocionalisht me një mikeshë tuajën? E po, në botën e djemve kjo nuk ndodh. Ata kanë synime të qarta. Miqësitë e tyre janë më shumë praktike se emocionale.
2. Shpenzojnë më pak kohë për të ruajtur miqësitë.
Shokët për ta thjesht janë. Nuk ka nevojë të bëjnë shumë kompromise e sakrifica për t’i mbajtur pas vetes. Një mik i ngushtë për ta, mund të jetë edhe dikush që kanë kohë pa folur apo takuar. Sipas një studimi, ku burrave të moshës së mesme iu kërkua të listonin miqtë e tyre më të mirë, disa prej tyre përfshinë edhe miq të cilët kishin ndërruar jetë, por ata këtë as nuk e dinin.
3. Mbështetja në shoqëritë e tyre ndryshon
Shokët (rrallë) qajnë me njëri-tjetrin. Nëse mendoni se ai qan mbi supin e shokut të tij për ty, na lejo të të themi se po mendon gabim. Ndryshe nga vajzat, djemtë janë emocionalisht më të largët, kjo bën që ata t’i qajnë hallet ndryshe. Si pasojë, edhe mbështetja që marrin në rrethin e tyre shoqëror ndryshon. Sipas studimeve, kjo ndodh për shkak të frikës së paragjykimit. Nëse ata do të krijonin lidhje më të ngushta, do të keqinterpretohej nga masa. Ja përse, zgjedhin të jenë më të rezervuar.
4. Angazhimet
Patjetër që djemtë janë besnikë të shokëve të tyre, por nëse ndodh që më vonë të lidhen apo martohen, përgjegjësitë ndryshojnë. Koha që u dedikojnë atyre është shumë herë më e vogël.
Ky racionalitet në shoqëri, rezulton të jetë produktiv për ta. Miqësitë mes tyre nuk janë të brishta. Aty nuk ka vend për inat, ose edhe nëse ndodh rastet janë të rralla.
