Siç mund ta keni vënë re nga postimet e shumta në Instagram, Ermal Mamaqi dhe Elvana Gjata ishin të pranishëm në Marché du Film , në Festivalin e 72- të të Kanës, me synim promovimin e filmit dhe gjetjen e partnerëve për të bashkëpunuar me një projekt të ardhshëm kinematografik.
Në një intervistë për “Cineuropa”, Ermal Mamaqi ka zbuluar diçka më shumë rreth asaj që le të themi u intereson të gjithëve: sa shiti dhe fitoi dyshja Mamaqi- Gjata, qoftë thjesht dhe vetëm gjatë një muaji.
Në një video afro 4 minuta, teksa Mamaqi prezanton veten dhe bën të qartë se është aty për të shitur filmin e tij, shprehet se ata, ai dhe protagonistja tjetër, Elvana janë shqiptarët e parë që ia kanë dalë të shesin 250,000 bileta në vetëm një muaj.
Që përkthehet në sa para?
Ekzaktësisht më shumë se 1 milion euro (nga shitja e biletave), sërish në një muaj.
Fabula e “2 Gisht Mjaltë” ndërtohet rreth një historie shqiptare dashurie që ka brenda romancën, ndarjen, trishtimin, rilidhjen, dasmën, aventurën dhe çmendurinë. Premiera e filmit u dha më 28 mars.
