Një trend i ri dhe i rrezikshëm ka filluar të përhapet gjithnjë e më shumë në Barcelonë, ku të rinjtë bëjnë orgji seksi të pambrojtur, me persona të infektuar me HIV. Sipas disa mediave spanjolle, ky aktivitet me rrezikshmëri të lartë, që quhet “ruleta e seksit”, zhvillohet duke ftuar të paktën një mbajtës të virusit. Kjo shihet si një mënyrë për të shtuar një element rreziku gjatë aktivitetit seksual.
Në disa raportime madje thuhet se pjesëmarrësve u ofrohen “tableta blu” që merren për të parandaluar infektimin. Këto tableta janë të paligjshme në Spanjë dhe mendohet të jenë blerë në tregun e zi. Sipas të dhënave të një spitali në Barcelonë që trajton të paktën 100 raste me HIV çdo ditë, ky trend ka sjellë edhe përhapjen e sëmundjeve të tjera veneriane si klamidia, gonorrea dhe hepatiti C.
Burimi: Dazed
