Tashmë të gjithë e njohin TikTok-un dhe shumë njerëz mund ta dinë se platforma përdoret nga artistët më të njohur, por edhe artistë të rinj - për të promovuar këngët e tyre.
Jo pak herë, mund të keni parë këngëtarë shqiptarë dhe të huaj, të cilët kanë krijuar sfida, kërcime apo trende të tjera në TikTok, me këngën e tyre.
Megjithatë, jo të gjithë kanë patur fatin që këto "strategji" të kenë sukses.
Ronela, nga ana tjetër, ka bërë diçka të zgjuar dhe ndoshta shumë herë më të thjeshtë. Me ose pa qëllim, ajo është treguar spontane, me humor dhe thjesht, nuk e ka marrë shumë seriozisht TikTok-un.
Provë për këtë mund të jetë kjo video këtu apo kjo tjetra, këtu. Këto "këngë" qartazi janë shaka të incizuara gjatë punës në studio, por që të dyja numërojnë miliona shikime në TikTok dhe qindra njerëz që e kanë përdorur audio-n për të krijuar videot e tyre: Këto të dyja në thelb, janë bazat e të qenit i suksesshëm apo viral në TikTok.
Edhe njëherë, TikTok na provon se origjinaliteti vlerësohet, edhe kur është pak qesharak. Shpresojmë të mos fiksoheni edhe ju me "këngët" alla TikTok të Ronelës.
Copyright Anabel.al / Ndalohet ribotimi pa lejen e redaksisë.
