Nëntori e dhjetori janë muajt e përsosur për të reflektuar dhe për të nisur disa zakone të reja në jetën tënde. Jo, nuk po flasim për listat e stërgjata të objektivave që harrohen në javën e dytë të janarit, por për disa rituale të vogla, të këndshme dhe mbi të gjitha të realizueshme. Ato gjëra që s’të stresojnë, por përkundrazi, të bëjnë të ndihesh më mirë, pak nga pak, çdo ditë.
1. Më shumë kohë për veten
Filloi sezoni i ftesave, detyrimeve dhe axhendave plot. Por përpara se të thuash “po” automatikisht, pyet veten: e dua vërtet këtë gjë, apo po veproj nga zakoni? Cakto një mbrëmje në javë vetëm për ty: pa plane, pa shumë mendime. Një banjë e gjatë, një libër i mirë, ose thjesht një natë në pizhame duke mos bërë asgjë.
2. Fillo të shkruash në ditar
Jo për estetikë në Instagram, por për ty. Për të shkruar çfarë ndjen, çfarë do, çfarë s’po të shkon mirë dhe çfarë s’po ndal dot së menduari. Nuk ka nevojë të shkruash bukur. Mjafton të shkruash me sinqeritet.
3. Pastro zakonet, jo vetëm dollapin
Ky është sezoni kur i themi vetes: “Do pastroj garderobën”. Shkëlqyeshëm, por pse të mos hedhim një sy edhe tek zakonet që s’na shërbejnë më? Ndoshta është momenti i duhur për të bërë ndryshime të vogla, por me ndikim të madh. Si për shembull, nëse je duhanpirës/e, të kalosh në një alternativë më moderne dhe pa tym, si IQOS, që të jep të njëjtën ndjesi, por pa tymin, erën apo ndjesinë e rëndë pas konsumit. Ashtu siç ndërron kremrat apo pijet për diçka më të mirë, ndoshta edhe kjo është një risi që ia vlen ta eksplorosh.
4. Qëndro më pak në telefon
Nëse do të bësh një sfidë të vërtetë për veten, provo ta nisësh ditën pa telefon për 30 minuta. Bëj kafenë, dëgjo muzikë, dil në ballkon, por pa hapur menjëherë rrjetet sociale. Do zbulosh sa më shumë e ndjesh kohën kur nuk është e mbushur me shpërqendrime të kota.
5. Krijo zakone të vogla që të bëjnë të ndihesh mirë
Nuk ke pse të bëhesh version wellness guru brenda natës. Por një shëtitje pas darke, një rutinë qetësuese para gjumit, një podkast që të frymëzon në mëngjes, janë mënyra të vogla që ndikojnë shumë në gjendjen tënde. Kur kujdesesh për veten në detaje të vogla, rezultatet zgjasin më gjatë.
Provo, përzgjidh, përshtat. E rëndësishme është që këto zakone të reja të të shërbejnë ty dhe askujt tjetër.
- Artikull promocional
