Pak orë më parë, Besnik Sahatçiu, babai i Rita Orës, publikoi në Instagram dhe Facebook fotot e mëposhtme familjare. Përmes tyre, ai dha lajmin e lumtur se më në fund arritën të blenë një shtëpi në Prishtinë.
“Kosovë, shtëpi,” shkruan ai. “Të lumtur për shtëpinë tonë të re në Prishtinë.”
Rita Ora dhe familja e saj u larguan nga Prishtina në vitin 1991, kur ajo ishte vetëm një vjeçe, për arsye politike. Gjatë shpërbërjes së Jugosllavisë, shqiptarët e Kosovës ranë pre e persekutimit politik dhe familja Sahatçiu kërkoi një të ardhme më të mirë në Angli.
26 vite më parë, ata u vendosën në Notting Hill, në Londrën perëndimore.
Si shumë emigrantë të tjerë, ndoshta si ju vetë, edhe Besnik e Vera Sahatçiu e ndjejnë ngrohtësinë e shtëpisë në vendlindje.
