“Britania ka qenë prej kohësh në pritje të një princeshe të re të pop-it dhe në 2016-ën, Dua Lipa dha provat se ajo është vajza që do ta mbushë këtë boshllëk.”
Kështu shkruan prestigjiozja “Vogue” në edicionin e saj britanik, teksa rendit këngëtaren Dua Lipa mes emrave të vajzave më të famshme në botë, që pushtuan 2016-ën, siç janë: Rihanna, motrat Bella dhe Gigi Hadid, Selena Gomez etj.
“Hiti i saj veror ‘Hotter than hell’ u dëgjua që nga pellgjet e festivalit Glastonbury deri tek festivalet në Finlandë e më tej. Ky vit gjithashtu shënoi edhe kopertinën e saj të parë në ‘Vogue’, duke zënë kopertinën e suplementit të nëntorit. 2017-ta pritet të jetë një vit edhe më i madh për londinezen, duke qenë se ajo do të publikojë albumin e saj debutues.”-vijon më tej shkrimi për 21-vjeçaren e talentuar shqiptare.
