Nga vijnë?
Sipas dermatologut David Lortscher, shkaqet që shkaktojnë akne në të ndenjurat janë të njëjtat që shkaktojnë edhe puçra në vende të tjera. Pra, ka të bëjë genetika, luhatjet e zakonshme hormonale, stresi, dieta dhe të tjera aspekte të stilit tonë të jetesës. Gjithashtu, ndodh që të dalin akne në vijat e mbathjeve por nëse kjo ndodh, Lortscher këshillon thjesht të ndryshojmë materialin e të brendshmeve.
Ai sqaron se të djersiturit nga stërvitja nuk është fajtor. Megjithatë, mirë bëni të nxitoni të laheni pas palestre, sepse duke qëndruar për një kohë të gjatë, djersa mund të ndihmojë shumimin e mikrobeve dhe atëherë po që mud t’ju shtohen puçra.
Kështu që hapi i parë për të pastruar puçrat në të pasmet është të veprosh si për aknet e fytyrës: mbaje lëkurën të pastër dhe të thatë dhe sigurohu se po ushqehesh shëndetshëm, me një dietë të balancuar.
(Për fat të keq, nuk ka asnjë dermatolog që të na këshillojë të hamë sufllaqe.)
Si t’i trajtosh
E mira është të përdorni një produkt që të ketë në përmbajtje acid salicilik, i këshillueshëm sepse parandalon dhe trajton poret e bllokuara. Gjithashtu, këshillohen produkte që të përmbajnë peroksid benzoili, vetëm se ka disa njerëz që mund të jenë alergjikë ndaj këtij përbërësi aktiv. Mund ta kuptoni këtë, nëse produkte që e përmbajnë ju shkaktojnë ënjtje dhe irritim.
Burimi: "Byrdie"
