Një pjesë e mirë e kampionëve olimpikë kafshojnë medaljet kur pozojnë për fotografët dhe natyrshëm lind pyetja: Pse?
Arsyeja është e paqartë, mirëpo dikur njerëzit i kafshonin monedhat për të parë nëse ishin të bëra nga ar i vërtetë, pasi ari i ngurtë është më i lakueshëm se metalet e tjera. Disa janë të mendimit që është thjesht një traditë e trashëguar që synon të testojë arin.
Në fakt, ky shpjegim bazohet në një gabim logjik, pasi medaljet e dhëna në Lojërat Olimpike nuk janë të krijuara prej ari të pastër, ndaj atletët nuk kanë pse të ndihen të detyruar që të bëjnë “teste të improvizuara” të cilësisë.
Arsyeja më e mundshme e kafshimit të medaljeve ka të ngjarë të jetë thjesht për çështje fotoje. “Është bërë një fiksim me fotografët,” shpjegoi David Wallechinsky, presidenti i Shoqatës Ndërkombëtare të Historianëve Olimpikë, për CNN në 2012.
"Unë mendoj se ata e shohin atë si një fotografi ikonike, si diçka që ndoshta mund ta shesësh. Unë nuk mendoj se është diçka që atletët do ta bënin vetë.”
Sidoqoftë, atletët duhet ta shmangin kafshimin e tyre.
"Ne thjesht duam të konfirmojmë zyrtarisht se medaljet #Tokio2020 nuk janë të ngrënshme!” – shkruan organizatorët.
Medaljet moderne përfshijnë disa materiale të pakëndshme, kështu që atletët duhet të jenë të kujdesshëm në lidhje me kafshimin e fortë.
"Medaljet tona janë bërë nga materiali i ricikluar nga pajisjet elektronike të dhuruara nga publiku japonez. Pra, nuk keni pse t'i kafshoni...por ne e dimë që do ta bëni.”
Për herë të parë në histori, medaljet e Tokio 2020 janë ndryshe.
