Në emisionin e mëngjesit “Good Morning Albanians” në Euronews Albania, ish-ministrja Nora Malaj, mjekja Senera Hoxha dhe aktivistja e shoqërisë civile në Kosovë, Mimoza Gavrani, kanë prerë flokët live, për t’iu bashkuar protestës në Iran për të drejtat e grave.
View this post on Instagram
Deri këtu okay, por ajo çka u bëri përshtypje komentuesve ishte “sasia” e flokëve të prerë, e cila, sipas komenteve, konsistonte me prerjen e majave.
Në videon e postuar në llogarinë zyrtare të Euronews Albania, njerëzit shprehën mendimin e tyre mbi gjestin e tre grave.
“Ky gjest është pa lidhje, sidomos për gratë që i presin vërtet flokët si protestim dhe ato që kanë humbur jetën”, shkruan dikush.
“Çfarë është kjo "protestë" moj të dashura zonja? Edhe ato pak flokë që pretë, i morët nga pjesa e brendshme që mos të duken si të prerë keq. Pse u lodhët kaq shumë vallë?”, komenton një vajzë.
“Kujdes mos ju prishet krehja e flokëve. Turp për ato vajza që po vdesin në Iran”.
Disa të tjerë, e quajtën veprimin “hipokrizi”.
Prerja e flokëve vjen si një akt rebelimi pas ngjarjes tronditëse në Iran, ku një vajzë 22-vjeçare, e quajtur Mahsa Amini, u dhunua barbarisht nga policia, sepse nuk kishte vendosur si duhej hixhabin.
Ky veprim përkon me kryengritjen e grave, të cilat po presin pikërisht flokët, pasi ato janë simbol bukurie dhe në Republikën Islamike, duhet të mbulohen me hixhab.
Ndërkohë, në shumë vende të botës, gratë po presin flokët në shenjë proteste dhe po jua risjellim në vëmendje, sa për t'i krahasuar me veprimin e ndodhur në emisionin “Good Morning Albanians”:
Abir al-Sahlani, anëtare e Parlamentit Europian preu flokët ndërkohë që mori fjalën:
Këngëtarja turke, Melek Mosso bëri të njëjtin gjest gjatë performancës së saj:
Gratë në Iran e kudo nëpër botë gjithashtu:
Aktorja franceze, Juliette Binoche:
Marion Cotillard:
Ministrja e Punëve të Jashtme, Hadja Lahbib dhe Darya Safai, anëtare e parlamentit belg:
Për më shumë informacion për prerjen e flokëve në shenjë proteste, klikoni këtu.
