Foto: Getty Images / Westend61

Nëse keni përjetuar ndonjëherë përvojën e dikujt që zhduket papritur dhe pastaj kthehet si të mos kishte ndodhur asgjë, atëherë mund të jeni përballur me fenomenin e fundit të takimeve toksike: "ghostlighting". Termi është një kombinim i “ghosting” dhe “gaslighting”, pra dikush largohet pa lajm, dhe kur rikthehet, ju bën të ndiheni sikur jeni ju të çmendur që e pyesni se ku shkoi gjithë atë kohë.

Një person që "praktikon" ghostlighting mund të mohojë kohën që ka kaluar pa kontakt, të argumentojë që jeni të ndjeshëm, ose të përgjigjet me shprehje pasivo-agresive si: “Nuk e dija që kishte një kuotë mesazhesh të përditshme” ose “Nuk kuptova që kishe nevojë për kaq shumë vëmendje”. Qëllimi i tyre? T’ju bëjnë të dyshoni te vetja, te ndjenjat tuaja dhe te realiteti i situatës, kjo është pjesa e “gaslighting”.

Psikologia Sarah Gundle e përshkruan ghostlighting si një “flamur portokalli”, diçka që mund të duket e vogël, por në fakt është destabilizuese. Ajo shpjegon se efekti i tij është që "viktima" të dyshojë te perceptimet e veta dhe të frikësohet të kërkojë komunikim të qëndrueshëm nga partneri/ja.

Gratë shpesh janë më të ndjeshme ndaj këtij manipulimi, për shkak të frikës se mos quhen "të ngjitura" vetëm për shkak se duan një minimum komunikimi të vazhdueshëm.

Pra, nëse një ish-partner/e që është zhdukur nga hiçi tenton të rikthehet, ai duhet të ketë një shpjegim të vërtetë për zhdukjen e tij; në të kundërt, bllokojeni dhe fshijani kontaktin menjëherë. Ghostlighting mund të duket problem i vogël në fillim, por qëllimi i tij është t’ju bëjë të pranoni më pak se sa meritoni dhe nuk ndalon aty.