Pas tre muajsh aktivizime dhe ndalesash të kuruara në vendet më të spikatura të qytetit, platforma CuriousX finalizoi edicionin e saj të parë artistik më 3 prill në ambientet e IQOS Boutique. Platforma CuriousX x Art, i cili nisi në Janar, përfaqësonte një eksperimentim të ri në ndërthurjen e artit me teknologjinë dhe përfshirjen e komunitetit IQOS.
Dy artistët bashkëpunëtorë, Mario Dine dhe Geri Prendushi, zhvilluan një koncept që përfshinte pesë ndalesa – Tribe, Kino, Salt, Duff dhe City Art – secila me një nga gjurmët e veprës finale. Pjesët u prezantuan si: Trace of Heritage, Trace of Exploration, Trace of Senses, Trace of Connection, dhe Trace of Evolution. Të ruajtura pjesërisht si “sekrete vizuale”, këto copëza u përdorën si mjet për të nxitur kuriozitetin dhe angazhimin e publikut.
Sipas organizatorëve, projekti është frymëzuar nga vlerat që përfaqëson IQOS — një teknologji që evoluon vazhdimisht, njësoj si mënyrat e reja të të shprehurit artistik. Dine solli një qasje më spontane dhe urbane përmes teknikës me spray, ndërsa Prendushi kontribuoi me elementë të avancuar teknologjikë, përfshirë metoden “projection mapping”.
Eventi përmbyllës te IQOS Boutique zbuloi për herë të parë të gjitha pjesët e artit, duke i paraqitur si një instalacion i vetëm. Pjesë e eventit ishin edhe aktivizime të tjera si eksperiencat me VR, personalizimi i çantave totebag dhe bluzave T-shirt, si dhe një performancë live nga vetë artistët.
Në një njoftim për shtyp pas eventit, përfaqësuesit e platformës bënë me dije se CuriousX do të vijojë me kapitullin e radhës dhe një bashkëpunim të ri artistik që do të prezantohet së shpejti.
