Po, Pirro Çako po jeton një romancë! Ndonëse artisti është përpjekur të tregohet gjatë gjithë kohës i rezervuar përsa i përket jetës personale, së fundmi ka pranuar se nuk është vetëm.

I ftuar mbrëmjen e djeshme në rubrikën “Për drekë me mua”, tek “E diela shqiptare”, Blerina Bombaj e pyeti Çakon nëse “ishte i lidhur me ndonjë gocë”.

“Sqaroje gjithë këtë publik, gjithë këto goca të reja, beqare, që janë të interesuara ta dinë.”

Kështu, Pirro u shpreh:

“Njeriu nuk është bërë për të jetuar vetëm. Të gjithë kemi nevojë për dikë. Aktualisht jam në një shoqëri shumë të mirë, ndihem shumë komod, shumë mirë dhe shpresoj që të vazhdojë kjo gjë.”

Ju kujtojmë se në shkurtin e 2017- s, mediat rozë përcollën lajmin se kantautori Pirro Çako dhe e dashura e tij 27-vjeçare, Sesilia, i kishin dhënë fund lidhjes së tyre prej 8 vitesh.

Një gjë të tillë, Çako e pohoi në shkurtin e 2 viteve më parë, në studion e “Xing me Ermalin”. I pyetur nga moderatori Ermal Mamaqi, Çako fillimisht hezitoi të përgjigjej, por më pas pranoi disi i prekur:

“Jam vetëm.”

Megjithatë, situata e sikletshme u pasua me pak humor kur, i pyetur sesi është të jesh beqar pasi ke qenë i martuar, ai u përgjigj:

“Nuk do ta shpjegoj, se kam frikë mos ndahen të gjithë!’

Ndërsa, përsa i përket marrëdhënies së tij me ish-bashkëshorten Inva Mula, Çaku u shpreh se komunikojnë rregullisht për çështje që lidhen me djalin e tyre dhe takohen hera herës. Ai madje rikujtoi sesi në një takim të rastësishëm në Tiranë, ish-bashkëshortja i kishte thënë më shaka:

“Ke dalë për të gjuajtur?”