Jennifer Lopez dhe Ben Affleck, të cilët janë producentë ekzekutivë të filmit Kiss of the Spider Woman, jo vetëm që u shfaqën së bashku në tapetin e kuq gjatë premierës në New York, por edhe dhuruan disa momente të ëmbla dhe të përzemërta përpara kamerave, sikur të mos ishin ndarë kurrë.
56-vjeçarja Lopez dhe 53-vjeçari Affleck u fotografuan duke u përqafuar, duke i pëshpëritur në vesh njëri-tjetrit dhe duke shkëmbyer buzëqeshje e vështrime. Ironikisht, marrëdhënia e tyre duket më e fortë kur nuk janë të martuar.
Lopez zgjodhi një fustan të gjelbër me lule nga Harris Reed, që i referohej si merimangës, ashtu edhe vetë titullit të filmit. Affleck, nga ana tjetër, zgjodhi një veshje më të thjeshtë, një xhaketë blu marine dhe një këmishë të bardhë klasike.
Dyshja, të cilët dikur ishin një nga çiftet më të përfolur të Hollywood-it, nuk kursyen as komplimentet për punën e njëri-tjetrit në film.
"Filmi është i mrekullueshëm. Jennifer, je e jashtëzakonshme," tha Affleck.
Ndërsa Lopez shtoi:
"Nëse nuk do të ishte për Ben-in, ky film nuk do të ishte bërë kurrë.”
Në një intervistë për CBS Sunday Morning, Lopez e përshkroi rolin e saj në film si “streha e fundit” gjatë një periudhe sfiduese në jetën e saj personale.
“Ishte e vështirë të mos i mendoja gjërat,” tha ajo. “Por në njëfarë mënyre, ishte koha më e mirë dhe më e vështirë gjithashtu. Çdo moment në set, çdo skenë që luaja, më mbushte me gëzim. Pastaj kthehesha në shtëpi dhe gjithçka ishte në kaos.”
