Pinterest/@kstroh2003

Kush tha që një manikyr minimalist dhe me ngjyra që s’bien në sy duhet të jetë i mërzitshëm? E vërteta është se shumica e ideve për thonj, sidomos gjatë verë, janë plot me ngjyra të ndezura. Megjithatë, ka shumë sugjerime për të gjithë ne që preferojmë nuanca neutrale dhe duam një rezultat më natyral. Vera nuk është e ndërthurur vetëm me ngjyrat e ndezura, por edhe me thjeshtësinë dhe elegancën që të tilla modele mbartin.

Një manikyr i thjeshtë nude është një zgjedhje e sigurt që na bën të dukemi bukur, sidomos me lëkurën e nxirë, pa qenë nevoja të eksperimentojmë. 

Pavarësisht nëse zgjidhni vetëm një nuancë, apo kombinoni një sërë ngjyrash për një efekt gradient, opsionet janë të shumta.

Më poshtë kemi gjetur dhe përmbledhur sugjerimet më interesante për stilin tuaj.

Dizajne abstrakte

Një dizajn abstrakt në tone të bardha ose ngjyrë pjeshke të kombinuara me një bazë nude ose transparente mund t'ju japë një rezultat klasik, por shumë interesant.

Valëzime

Trendi që dëshiron që dizajnet me vijëzime të zbukurojnë thonjtë tanë nuk mund të mungonte në paletën e nuancave nude, duke na dhuruar një manikyr shuuumë të bukur.

Klasiku i përjetshëm

Manikyr klasik francez në një version shumë minimalist dhe elegant.

Kuadratë/Rrjetë

Për një manikyr super të thjeshtë dhe argëtues, provoni të vizatoni vija horizontale dhe vertikale në sipërfaqen e thoit, duke krijuar një rrjetë të bardhë mbi një bazë transparente.

Tie Dye 

Në takimin tuaj të radhës në sallonin e thonjve, kërkoni modelin tuaj të preferuar të ngjyrës tie-dye në nuanca pjeshke të tokës.