Vetëm pak muaj më parë, Vilma Masha foli në studion e Rudina Magjistarit për historinë e saj të dashurisë. Gazetarja sportive prej vitesh është e lidhur me dikë që nuk preferon ta bëjë publik, duke qenë se nuk i takon botës së televizionit, por tregoi për Rudina Magjistarin se nuk ka bërë plane për martesën, të paktën derisa të merrte një propozim të mirëfilltë, që me shumë mundësi e ka marrë.
Në një video të publikuar në Instagramin e gazetarit Ervi Kurti gjatë dasmës së koleges së tyre, Elona Duros, Vilma la të kuptohet se shumë shpejt është radha e saj. “Do martohemi dhe ne,” përgjigjet Vilma e pyetur nga Ervi ç’do bëhej me ta, tani që edhe Elona u martua.
“Edhe ne Erion Veliaj do na celebrojë. Brenda mandatit, nuk diskutohet.” Pra tani çfarë ka mbetur, vendosja e datës përfundimtare, zgjedhja e fustanit, jemi sy e veshë!
