S’ishte në planet e mia të dhjetorit të këtij viti, por ja ku jemi, me një flamur të bardhë që është ngritur, për të sheshuar një ndër sherret më të përfolur; ai mes moderatorit Labinot Gashi dhe Dafinës.
Përmes një postimi në Instagram, Dafina e ka uruar Labinoti, për festën e tij të jubilarit të karrierës. Mesa duket, Duffy ishte e ftuar në festë dhe s’e kurseu një urim.
“Gëzuar 25 vjet punë e përkushtim! Le të vazhdojnë vitet me frymëzim dhe arritje të reja”, shoqëruar me një zemër të bardhë.
Dafina dhe Labinoti, ndër vite kanë pasur një marrëdhënie të ndërlikuar. Ai e quajti këngëtaren “mosmirënjohëse” në një deklaratë për "RTV Dukagjini".
“Unë kam bërë shumë për të. Kam ngrënë bukë me të, i kam qëndruar pranë për vite, por një gjë e vogël i ka lënë përshtypje. E quajta “mosmirënjohëse”, për ditëlindjen që organizoi. Si është e mundur që një njeri që i ka qëndruar afër për dekada, të mos jetë pjesë e asaj dite, ndërsa ishin aty njerëz që s’kanë qenë kurrë afër saj? Njerëz që ishin në “Big Brother”, u shpreh ai asokohe.
Dafina reagoi më vonë, duke bërë një reflektim të gjatë, personal.
“Kam lënë pas çfarë që nuk më shërben më dhe kjo mjafton. Qëndroj e fortë në atë që jam,” shkroi Dafina në mesazhin e saj, duke theksuar se heshtja nuk është dobësi, por forcë. Në një tjetër pjesë ajo tha: “Ata do flasin. Lëri të flasin. Do vazhdoj të jem vetvetja - me dashuri, gjithmonë.”
