Në qytetin e dashurisë pak ditë përpara Shën Valentinit? Nuk e dimë se çfarë po përpiqet të bëjë Kim, por po ia del më së miri ta mbajë për një kohë vëmendjen pas vetes.
Një fundjavë vetëm me njëri-tjetrin nuk mjaftoi, Kim Kardashian dhe Lewis Hamilton e zgjatën arratisjen e tyre sërish brenda Europës, këtë herë në Paris.
Ata u fotografuan duke mbërritur në një hotel pak pasi zbritën nga një avion privat të hënën, sipas TMZ. Kim Kardashian u përpoq të kalonte pa u vënë re, ose të paktën këtë përshtypje synonte të na linte.
Më vonë gjatë ditës, ajo doli e vetme për t'u shfaqur për fare pak në një dyqan të Nike.
Udhëtimi i dyshes ndodhi menjëherë pas fundjavës së tyre të qetë dhe pak romantike në Angli, sipas raportimeve. Duhej ta kuptonim nga numri i valixheve se kjo arratisje e Kim në Europë nuk do të zgjaste vetëm dy ditë.
Sipas burimeve të The Sun, Kim Kardashian dhe Lewis Hamilton rezervuan ambiente tërësisht në shërbim të tyre, darkuan në një dhomë private dhe pjesën më të madhe të kohës e kaluan krah njëri-tjetrit.
Të dy ata janë miq prej vitesh, por veprimet e fundit ndoshta tregojnë se gjërat mes tyre kanë ndryshuar.
