Olta Bokën e njohim vetëm si këngëtare, por prej shtatë muajsh, ajo është koordinatore e Këshillit të Qarkut të Tiranës.
Këtë e zbuloi vetë Olta në një postim në Instagram, ku tregon kartën e punës me pozicionin e shkruar mbi të. Ajo shpreh gëzimin për punën e re, duke e quajtur një përvojë që i ka dhënë mundësinë të zgjohet çdo ditë e motivuar.
“Të jesh e talentuar është fat!
Meritë është të punosh përtej talentit!
Prej gati 7 muajsh përjetoj një eksperiencë të re, të paprovuar më parë!
Të zgjimit të hershëm me një motiv, qëllim dhe dëshirë për të bërë më të mirën çdo ditë.”
Boka u bë e famshme në vitin 2008, kur përfaqësoi Shqipërinë në Festivalin Evropian me këngën “Zemrën e lamë peng”. Që atëherë ka publikuar pak këngë të reja, më së shumti është shfaqur në emisione televizive duke kënduar cover-a të këngëve të njohura. Megjithatë, kohët e fundit, edhe këto janë rralluar dhe tashmë, e dimë arsyen.
