Olsa Muhameti është e bindur se Gjesti nuk mund ta fitojë “BBVA”. Në një intervistë në emisonin “Një natë me Aulonën”, ajo theksoi se loja e Gjestit nuk është në nivelin e një fituesi.
Fillimisht, Olsa foli për ecurinë e Gjestit që nga “BBVK”, ku theksoi se ai është lutur për t’u bërë pjesë e formatit dhe më tej produksioni e ndihmoi në lojën e tij.
“Gjesti erdhi nga problemet e veta të rehabilitimit, e morëm ne dhe ia dhamë dorën, u lut shumë, por nga ana tjetër edhe na pëlqeu. E mësuam në një mënyrë apo një tjetër se si të bënte këtë lojë që bëri, të cilën po e bën tërësisht të njëjtë edhe aty ku është. Unë mendoj që Gjesti, nga ai vetë apo nga produksioni duhet të ndihmohet për t’u ngritur më lart. Ai nuk ka mundur deri më tani.”, tha ajo.
Më tej, Olsa theksoi se Gjesti është një “bombë” në dorën e produksionit, i cili nuk po di se si ta nxjerrë fitues.
“Top-it i ka rënë një gjysmë bombe në dorë. Nëse do isha unë në produksion dhe do më kishte rënë Gjesti kështu, unë do e nxirrja Gjestin me doemos fitues, sepse unë kam publikun e Kosovës, sepse kam Gjestin që mund t’i kem bërë kontratë, premtuar, etj, por kupton se Gjesti s’mund ta fitojë dot “BBVA” për shumë arsye.”, tha ajo.
Por sipas Olsës, Gjesti nuk mund ta fitojë dot “BBVA” për disa arsye. Fillimisht, ajo theksoi se loja e Gjestit nuk ka pësuar asnjë ndryshim pozitiv apo ngritje, pasi ai ka ndjekur të njëjtën linjë si në “BBVK”, ku edhe u eliminua. Por, po ashtu, ajo theksoi se Gjesti nuk ka votat e publikut.
“Shoh personazhet e tjerë dhe them hajde se po bëj një sy qorr (që të fitojë Gjesti). Kur shoh personazhet e tjerë, pastaj them, po si mund ta fitojë ai në krahasim me këtë.”, nënvizoi ajo.
“Ka raste, nuk po flas për finale, por ka raste që në eliminime të forta shkon edhe në 150-200 mijë euro. Ka vlera shumë të larta që luhen me mesazhe.
Unë e njoh shumë mirë Gjestin, nëse tjerët nuk i njoh, Gjestin e njoh, sepse e kam pasur produkt timin, ne e nxorëm dhe në këtë pikë bashkuar dhe votat, produksioni mund..unë nuk e di kë do, por Gjesti nuk ka vota.
Mund të ketë një bazë fansash adoleshentësh, por edhe ata nuk janë agresivë”, shtoi Olsa.
Po ashtu, Olsa tregoi logjikën që produksioni ndjek dhe peshën e votave, në mesin e shumë aludimeve që “fatin” e banorëve e vendos produksioni dhe jo publiku.
“Kjo është logjika që ndjek produksioni, por jam e bindur që edhe produksioni i Shqipërisë ndjek mesazhet, votimin, sepse nuk ta lejon kompania mëmë. Ai nuk të kërkon se sa mesazhe kanë ardhur, por të kërkon kodin, tek i cili nuk mundesha të hyja as unë dhe i shikon vetë.
Big-u i Kosovës dhe Shqipërisë nuk mund të bëjë gjëra sipas kokës së tij, por mund të lëviz vetëm gjëra shumë të vogla.”, tha ajo duke sqaruar se patenta origjinale e formatit nuk të lejon dot të tjetërsosh votat e publikut apo mos t’iu përmbahesh atyre.
Thënë me pak fjalë, Olsa mendon se Gjesti nuk mund të fitojë “BBVA” për dy arsye: 1. Nuk ka një strategji interesante në lojë. 2. Nuk ka votat e publikut.
