Është e vërtetë dhe ka fakte që provojnë se Oriola Marashi është pjesë e OTR dhe po përgatit projektin e saj të parë.
Pak mund ta dinë, por modelja e njohur kryesisht nga setet fotografike të Endrit Mërtirit ka studiuar kanto në Universitetin e Arteve, ndaj e di mirë çfarë bën.
Pasi provoi dhe shijoi mirë modelingun dhe pak nga ç’mund t’i ofronte në Shqipëri dhe përtej saj, Oriola ka vendosur t’i përkushtohet muzikës.
Duke parë postimet në Instagramin e saj kohët e fundit, kemi kuptuar se kohën më të madhe po e kalon në studion e regjistrimit dhe shumë shpejt do të sjellë këngën e parë, që sipas Noizy-t premton të bëhet ndërkombëtare. Oriola e ka falënderuar publikisht themeluesin e labelit OTR, duke e quajtur këtë 'një ëndërr të bërë realitet'. Ndërkohë ne po presim për të parë ç'do të ndodhë.
