Shtëpisë së “Big Brother VIP” iu bashkua një tjetër emër, aktori Igli Zarka.
Moderatorja Arbana Osmani u shpreh se pritet që Igli të trazojë ujërat në shtëpi. Që në hyrje, ai tha se nuk ka miqësi brenda shtëpisë.
Zarka është pedagog dhe aktor. Së fundmi ai ishte pjesë e kastit të serialit “Nina”.
View this post on Instagram
Përsa i përket teatrit, Zarka është i njohur për shfaqjen e bujshme “Equus” ku performoi nudo rolin e 17-vjeçarit Alan Strang, i shtruar në një spital psikiatrik pasi verboi 6 kuaj, një rol sfidues dhe jo për lakuriqësinë.
“Jo, nuk është nudo. Ai është kostumi i tij. Alani ynë kalëron në natyrë. Ai kënaqet me lirinë. Dhe ne jemi të lirë kur nuk i kemi rrobat tona. Trupi është instrument i aktorit. Trupi në skenë kurrë nuk është provokim. Ai na ka frymëzuar për art që nga koha e Mikelanxhelos e deri më sot," tha për Top Channel në vitin 2017 regjisori boshnjak me origjinë shqiptare, Dino Mustafiç.