Ndizni një qiri për romancën, sepse mund të mos ketë vdekur ende: Ben Affleck dhe Jennifer Garner kanë anuluar divorcin. Kështu bën të ditur revista “People” për çiftin që njoftoi zyrtarisht ndarjen në vitin 2015. Sipas revistës, aktorët nuk janë ende bashkë, por kanë vendosur bashkarisht që të punojnë për martesën e tyre dhe të heqin dorë nga divorci. “Jen-i do vërtet që t’i rregullojë gjërat me Ben-in. Po i japin edhe një shanc tjetër marrëdhënies së tyre.”-u shpreh një burim pranë çiftit.
Ben Affleck dhe Jennifer Garner janë martuar në vitin 2005 dhe kanë 3 fëmijë bashkë. Dyshja njoftoi ndarjen dy vite më parë, kur në media filluan të qarkullonin lajme të shumta se aktori e kishte tradhtuar bashkëshorten me dadon e fëmijëve. Megjithatë, në një intervistë në mars të 2016-ës për “Vanity Fair”, Garner deklaroi se ajo dhe Affleck kishin probleme në çift dhe ishin ndarë disa muaj përpara se ajo të mësonte për historinë me dadon.
Burimi: Cosmopolitan
