Lëkurë e punuar me dorë, detaje metalike, dizajn elegant. Çmimi? Një shifër me pesë numra. Jo, nuk po flasim për një makinë, por kostoja është pothuajse e tillë.

Marka luksoze Hermès do të lançojë këtë verë kufjet e saj të para, të cilat tashmë janë në shitje në Hollandë.

Sa kushtojnë? Kufjet mund t’i bëni tuajat për vetëm 15,000 dollarë. Khëm-Khëm!

Dizajni është krijuar nga divizioni i personalizuar i Hermès, Ateliers Horizons, dhe është i përbërë me lëkurë lope të punuar në mënyrë artizanale. Ato vijnë në ngjyra të ndryshme si bezhë e errët, kafe, rouge H (e kuqe e thellë) blu, dhe patjetër, edhe në ngjyrë të zezë.

Kufjet Hermès ende nuk janë në shitje në faqen amerikane të markës, por janë në dispozicion në atë hollandeze.

Ky është një produkt unik dhe shumë i shtrenjtë nga Hermès, i cili është i njohur edhe për çantën ikonike Birkin, po ashtu shumë e shtrenjtë. Birkin u prezantua për herë të parë në vitin 1984 me një çmim prej 2,000 dollarësh, ndërsa tani shitet mbi 13,000 dollarë për versionet standarde prej lëkure. Ndërkohë versione të tjera, të punuara me lëkurë krokodili apo aligatori, kushtojnë mbi 100,000 dollarë.

Hermès ka gjithashtu një partneritet shumëvjeçar me Apple për krijimin e rripave prej lëkure për Apple Watch.

Artikuj të sugjeruar: