Cara Delevingne ka bërë një paraqitje që do të mbahet mend gjatë në Festivalin e Filmit në Kanë, duke transformuar totalisht pamjen e saj. Ndryshe nga sa jemi mësuar ta shohim, supermodelja këtë herë zgjodhi të hiqte dorë nga nuancat e biondes në flokë.
Në premierën e filmit “The History of Sound”, ajo u shfaq me flokë të zinj dhe me balluke të shkurtra dhe të drejta. Madje, në mënyrë që t’i përshtatej ‘look’-ut, Delevingne kishte errësuar edhe vetullat.
Sa i përket veshjes, ajo u shfaq me një fustan elegant në ngjyrë burgundy/vishnje. Në përputhje me rregullat e reja të festivalit, fustani nuk ishte transparent, nuk kishte bisht të gjatë dhe as nuk ishte shumë i fryrë.
Kjo nuk është hera e parë që supermodelja na surprizon me prerjet e flokëve. Vjeshtën e kaluar, ajo u shfaq me baluke shumë të shkurtra në LACMA Art+Film Gala, të cilat ishin dukshëm të frymëzuara nga stili i Audrey Hepburn.
Artikuj të sugjeruar:
