Në një intervistë për Bustle, aktorja Salma Hayek ka folur për ritualet e saj të bukurisë, përdorimin e trajtimeve dhe qëndrimin e saj ndaj procedurave kozmetike jo invazive.

Në këtë intervistë, Hayek, 58 vjeç, diskuton gjithashtu përkushtimin e saj ndaj metodave tradicionale të kujdesit të lëkurës, si ato që i ka mësuar nga gjyshja e saj dhe filozofinë e saj për të ruajtur shprehjet natyrale të fytyrës.

Aktorja nisi të tregonte se po përdorte një metodë moderne pa ndërhyrje kirurgjikale që shfrytëzon ultratingujt për të ngritur dhe përmirësuar lëkurën. Salma Hayek u shpreh entuziaste:

“Më thanë se rezultatet do të duken pas 2-3 muajsh, por unë i pashë pas dy javësh. Isha në darkë me Victoria Beckham dhe ajo më tha: ‘Ke bërë diçka.’ E pa menjëherë ndryshimin. Shikoje qafën time!” – tha Hayek, duke kaluar dorën poshtë mjekrës dhe mbi dekoltenë e saj.

Megjithë përkushtimin e saj të ri ndaj trajtimeve, ajo ende beson te ritualet tradicionale të bukurisë që i ka mësuar gjyshja.

Cili është kujtimi i parë i Salma Hayek-ut për kujdesin ndaj lëkurës?

"Gjyshja ime bënte kremra vetë dhe ishte e fiksuar pas eksperimenteve të bukurisë. Ndoshta isha 12 apo 13 vjeç kur më bëri një scrub special me sheqer, vaj livandoje dhe gjëra të tjera. Më bënte masazh me dashuri – ishte një moment i lidhjes mes nesh dhe më mësoi rëndësinë e kujdesit për veten."

Si ka ndryshuar qasja e saj ndaj bukurisë me kalimin e kohës?

"Nuk ka ndryshuar shumë. Kam qenë gjithmonë shumë konservatore me procedurat. Kam një filozofi që vë përparësi jetëgjatësinë. Dua që burri im, kur të më shohë në moshën 70 vjeç, të shohë ende fytyrën time – kjo është e rëndësishme për mua. Si aktore dhe nënë, është thelbësore që shprehjet e fytyrës sime të jenë të pranishme – ato janë pjesë e identitetit tim. Jam 58 vjeç dhe gjithmonë kam përdorur trajtime që lidhen me energjinë, sepse stimulojnë atë që tashmë kam. Por ndihesha si e bllokuar, sidomos te qafa – dhe aty zbulova Ultherapy."

Çfarë lloj trajtimesh me energji përdor zakonisht?

"Ultratinguj. Por edhe metoda të tjera të ngjashme. Kjo ishte e vetmja gjë që bëja. Ndonjëherë më vinin specialistë në shtëpi, ndonjëherë shkoja në klinika. Por më pëlqen Ultherapy sepse e bën vetëm një herë në vit."

Çfarë mendon ajo për injeksionet si botox apo fillerat?

"Nuk kam bërë kurrë botox apo fillera. Nuk kam bërë asnjë ndërhyrje plastike. [Tregon pas veshëve që nuk ka asnjë shenjë tërheqjeje lëkure.] Nuk kam bërë asgjë. Dhe kështu nisi marrëdhënia ime me terapinë me ultratinguj. Është emocionuese kur sheh një ndryshim të vogël. Të rrit vetëbesimin dhe ndihesh mirë."

Cili është truku më i çuditshëm që ka provuar ndonjëherë?

"Oh, zemër, në Meksikë kemi plot gjëra të çuditshme. [Qesh.] Ka një gjë shumë të shpifur që vjen nga kërmijtë – e kam provuar. Në Meksikë e përdorin prej kohësh. Është pak e neveritshme. Mua më pëlqen që diçka të ketë erë të mirë dhe të ndihet mirë."

Cili është këshilla më e mirë për bukurinë që ka marrë ndonjëherë?

"Gjyshja ime më mësoi të mos e laj fytyrën në mëngjes. Më tha: 'Lëkura punon gjithë natën gjatë gjumit – është thjesht një hile marketingu që të të shesin produkte.'"

Salma Hayek ka folur hapur për flokët e thinjur më parë. Si është marrëdhënia e saj me to?

"Në të vërtetë, jam thjesht dembele. Prandaj terapia që po bëj më shkon shumë – është një herë në vit. Nuk dua të shkoj në parukeri çdo tri javë. Ndoshta do dukesha më mirë, por nuk ka të bëjë me dukjen për mua – ka të bëjë me jetëgjatësinë. Kur i lyej, flokët bëhen më të përdredhur. Kam flokë shumë të mirë dhe shumë të dendur, kështu që preferoj flokë të bardhë të bukur sesa të zinj të shëmtuar."

Çfarë gjërash të tjera bën për jetëgjatësinë?

"Meditim. Pothuajse çdo ditë. E dua shumë."

Sa gjatë mediton?

"E kam zbuluar stilin tim, kështu që nuk është e mërzitshme. Mund të meditoj derisa të vijnë të më nxjerrin nga dhoma. Mund të vazhdoj për tri orë. Ndjej energjinë dhe 'shëtis' për orë të tëra."

Çfarë ushtrimesh fizike bën?

"Trupi im lëviz ndonjëherë gjatë meditimit, kështu që e quaj edhe këtë ushtrim. Gjithashtu më pëlqen të kërcej. Edhe vajza ime e do kërcimin, kështu që kërcejmë shumë në shtëpi. Sot ndalova grimin për të kërcyer pak, sepse po luhej një këngë e mirë."

Me çfarë muzike i pëlqen të kërcejë?

Tani për tani? Bad Bunny. Ai është i jashtëzakonshëm.

Artikuj të sugjeruar:

_{Burimi: Bustle}