Maji është zyrtarisht këtu dhe si zakonisht kryefjala e këtij muaji është Met Gala. Met Gala do të zhvillohet, si çdo vit, të hënën e parë të këtij muaji.

Lista e të ftuarve dhe vendet janë përcaktuar tashmë dhe gjithçka është gati. Sigurisht, Met Gala nuk është vetëm një ngjarje që tërheq vëmendjen vetëm të hënën, pasi duhet një organizim i detajuar që kërkon përgatitje dhe planifikim. Kjo është arsyeja pse kohët e fundit shohim shumë personazhe të famshëm që po merren me përgatitjet e fundit.

Midis tyre, nuk mund të mungonte Hailey Bieber, e cila mbërriti në Neë York më 30 prill për paraqitjen e saj në Gala. Menjëherë pas mbërritjes në aeroport, ajo u pa në Manhattan e veshur me një fustan mbresëlënës.

I zgjedhur nga stilistja e saj, Dani Michelle, ai është një fustan vintage Gucci, në një nuancë blu që jep efektin e akullit. Kjo veshje e veçantë u stilua nga Tom Ford për koleksionin e pranverës 1998 të Gucci-t. Gjatësia e tij është mesatare me një prerje mjaft seksi.

Kjo paraqitje erdhi pas diskutimeve të fundit rreth bashkëshortit të saj, Justin Bieber, ku aludohet për disa probleme shëndetësore dhe psikologjike me të cilat mund të përballet ai. Megjithatë, Hailey duket e pashqetësuar nga zërat lidhur me martesën e saj dhe shkëlqe si kurrë më parë.

Artikuj të sugjeruar: