Jemi në mes të pranverës, por që tani po mendojmë për verën, ndaj të gjitha jemi të fiksuara me detaje që duken njëkohësisht pranverore, por edhe verore. Ekzistojnë gjithmonë detaje në grim ose thonj që kapin në mënyrë të përsosur ndjesitë e tranzicionit sezonal.
Më lejoni t'ju jap një shembull të përsosur: manikyri i fundit i Kylie Jenner.
Të dielën, më 27 prill, ajo postoi një foto nga afër të dorës së saj të majtë, duke thënë se ishte dashuruar me thonjtë e saj të rinj, njësoj si ne. Ato duken elegante dhe me element klasikë. Në thelb, nëse ky manikyr do të ishte një veshje, do të ishte një fustan saten me një rrip metalik.
Thonjtë u realizuan nga estetistja e njohur Zola Ganzorigt. Ajo përdori nuancën OPI Passion, një rozë të zbehtë neutrale, për bazën e thonjve të gjatë dhe ovalë të Kylie. Më tej, përdori It's a Boy për majat - një blu pastel perfekte që nuk largohet shumë nga e bardha franceze, por i jep thonjve pak shkëlqim.
Nuk ka asnjë manikyr ose art thonjsh të gabuar për të provuar në çdo kohë të vitit, por nëse keni ndjesinë e ardhjes së verës, nuk ka mënyrë më të mirë për ta treguar sesa me një manikyr si ky.
Burimi: Allure
