Një nga dilemat e vogla, por “torturuese” të jetës së përditshme është zgjedhja e ngjyrës së thonjve. Prandaj ndoshta ndonjëherë është më mirë t’i lëmë yjet të vendosin për ne. Në vend që të lodhemi duke gjetur trendin e duhur, mund të frymëzohemi nga shenja jonë e horoskopit për manikyrin e radhës.

Dashi

Kjo shenjë është plot jetë dhe energji, njësoj si thonjtë me efekt “aura” në ngjyra pastel si vjollca dhe rozë.

Demi

Nëse adhuron luksin dhe detajet elegante, me shumë mundësi je Dem. Ngjyra neutrale, e pastër dhe stil, është zgjedhja perfekte për shijen tënde klasike dhe të rafinuar.

Binjakët

Pse të zgjedhësh vetëm një ngjyrë kur mund t’i kesh të gjitha? Një manikyr me gradient shumëngjyrësh përfaqëson më së miri natyrën lozonjare dhe dinamike të Binjakëve.

Gaforrja

Romantike dhe ndjeshme, Gaforrja e do delikatesën. Manikyrët me efekt “donut glaze” në ngjyrë vjollcë me shkëlqim janë perfekte për të reflektuar ëmbëlsinë dhe butësinë e kësaj shenje.

Luani

Luanët s’kanë nevojë për vëmendje, por gjithsesi, e adhurojnë! Një manikyr 3D në rozë të ndezur është perfekte për ta.

Virgjëresha

Nëse organizimi dhe estetika janë prioritet për ty, atëherë një nuancë pastel si e verdha është ideale. Minimaliste, moderne dhe e përkryer, tamam si një Virgjëreshë.

Peshorja

Dashamirëse e artit dhe bukurisë, Peshorja do ta dashuronte një manikyr me detaje florale. 

Akrepi

Askujt nuk i shkon një manikyr i kuq si Akrepit. Plot pasion, kjo shenjë është mishërimi i “teorisë së thonjve të kuq”. E thellë, e ndjeshme, e guximshme.

Shigjetari

Një dizajn shumëngjyrësh, i gjallë dhe argëtues, është perfekt për pushimet dhe udhëtimet verore të kësaj shenje aventuriere dhe energjike.

Bricjapi

Klasik dhe i rafinuar, por me një prekje delikate shkëlqimi. Një manikyr neutral është tamam ajo që i duhet një Bricjapi për t’u ndjerë mirë, edhe kur është në zyrë.

Ujori

Ujorët nuk ndjekin turmën. Manikyrët shumëngjyrëshe, të realizuar me teknikën e sfungjerit, janë aq unikë sa vetë ata.

Peshqit

Krijues dhe emocional, Peshqit e duan ngjyrën blu, qoftë në tone të ndezura apo jo. Perfekte për netët buzë detit dhe për një shpirt që jeton në botën e vet.