Hë, me zor po prisni të shkojmë te momenti ku hyn Olsi brenda shtëpisë? S’po jua bëjmë qejfin direkt, jo pa shijuar një herë këtë fillim të spektaklit nga e mrekullueshmja Aurela Gaçe:
View this post on Instagram
#1. Gerta – Rozana
Përplasja e titaneve erdhi patjetër prej faktit që u shpall Rozana finalistja e parë e këtij edicioni. “Unë e shihja publikun që vetëm mua më qeshte,” tha Gerta, po Rozana e nxorri bllof duke e kundërshtuar se “nuk shihej dot asgjë prej dritave të forta”. Pjesa tjetër e debatit ishte e vështirë për t’u deshifruar nga ulërimat që mbivendoseshin. Ju mjafton të dini se gocat e nisën debatin normalisht dhe e përfunduan të dyja të ngjirura.
#2. Gjesti – Laerti
Ndërkohë që ne u shqetësuam për gjërat problematike që dolën nga gojët e tyre, duket se dy banorët u kënaqën pak nga fakti që arritën të kapnin prime-n me këtë përplasje.
Gjithsesi, në lojën e provokimeve që pranuan të dy se bëjnë, kërkuan falje për keqkuptimet e mundshme që mund të jenë krijuar nga publiku lidhur me temën e besimit.
#3. Olsi Bylyku brenda shtëpisë!
Vëllai i Madh, thuaj të vërtetën. Çfarë bëre për të futur Olsin brenda? I thatë që do përfundoni procesin gjyqësor nëse përballet me Eglin? Sidoqoftë, lëvizje e bukur.
Si fillim, linja e jetës së Eglit:
View this post on Instagram
Një takim i qytetëruar mes dy njerëzve të rritur që ruajnë shumë mirënjohje për njëri-tjetrin. Po që qenka 1000 herë më mirë se ulërimat dhe dramat kjo gjë? Megjithatë, për të qenë të drejtë, Egli nuk e kurseu një thumb në fund kur u shpreh se partnerja e Olsit i detyrohej një takim të tillë mes atyre të dyve, që ajo tha se e kishte pritur që më parë.
View this post on Instagram
#4. Finalisti i dytë: Laerti
S’na mbetet gjë tjetër veçse të themi: Sagapaooo Laerti!
#5. Televotimi
Mbeten dhe dy vende të lira për finalistët e tjerë. 2 më të votuarit nga televotimi për të preferuarit, do t’i shohim në mbrëmjen e 19 prillit, të tjerët i falenderojmë për pjesëmarrjen. <3
Copyright Anabel.al / Ndalohet ribotimi pa lejen e redaksisë.
