Në episodin e fundit të “UËTËFËË!! show” në Andale Media, ishte e ftuar blogerja dhe ish-banorja e “Big Brother Albania 5”, Genta Gjalpi, e cila ndër të tjera, komentoi dhe disa nga personazhet më të spikatur të “Big Brother VIP Albania”.

E pyetur me radhë për banorët, ajo nisi duke thënë për Bernardin:

“Më pëlqen. Më jep energji pozitive dhe më duket si njeri që ka vuajtur shumë.”

Më pas, ajo shtoi me nota humori:

“I bëra dhe një koment që tani ka shkuar 500 pëlqime: ‘Mos u mërzit se dhe unë 30 vjeç gjeta burrë’,” duke shkaktuar të qeshura.

Përsa i përket Amberit, Genta tha se njiheshin personalisht dhe zbuloi detaje të reja të cilat Amber nuk i ka rrëfyer brenda shtëpisë:

“Kur e kam takuar Amberin për herë të parë më tha: ‘O goce ku shkon me këto buzë!’ dhe pastaj i bëra buzët. Kam qenë prezente gjatë tranzicionit të saj. Pas tranzicionit pati super vetëbesim si çdo femër kur bën gjoksin. Tani bën më shumë shaka dhe është më e qeshur.
Marrëdhënien me prindërit nuk ia di, po di që ka një motër fantastike dhe motra ka qenë gjithmonë krah.”

Gjithashtu Genta ndau dhe mendimin e saj mbi çështjen e tranzicionit:

“Për çdo familjar dihet që tranzicioni është i vështirë, siç është e vështirë edhe kur djali të ikën ushtar. Familja nuk është dakord dhe me një zgjedhje shkolle, jo më gjëra më madhore.”

Për hyrjet më të përfolura dhe banorin që s’po kalon pa u vënë re, Gjestin, Genta shfaqi një mendim ndryshe:

“Gjesti është sikur të kenë hequr Luizin një javë para finales dhe ta çonin tek “BBVK”. Anaidi i bëri një PR shumë të mirë Gjestit duke e dërguar tek “BBVA” me të njëjtat rroba, që dukej sikur sa kishte ardhur nga rruga prej “BBVK”-së. Për banorët më duket shumë e padrejtë [hyrja e Gjestit]. Është si të marrësh Cristiano Ronaldon dhe ta çosh tek ekipi i Kamzës dhe dihet që do jetë hapa para. Plus, ai ka fansa nga Kosova më shumë, ne jemi mësuar me lojtarë më të egër, ai është çapkën dhe ndonjëherë mendoj që e tepron.”

Për Rozanën, Genta u shpreh se njihen personalisht dhe mendon që “ka hyrë me egërsi brenda për të caktuar territorin e vet”, por jashtë është “më empatike, e zbutur dhe mbështetëse”.

Për Gentën, Gerta është “surpriza më e bukur e këtij edicioni” për të cilën ajo shtoi sërish me humor: “Më thuaj pak kush tjeër me dhëmbë me falseta mund të qeshë aq bukur dhe ta hapë gojën aq shumë kur qesh si Gerta?”

Për Jozin, Genta nuk u kursye me sinqeritetin e saj kur tha “ai është thjesht njeri shumë i frustruar, se gjithmonë njerëzit që s’u ka ecur, s’u ka shkëlqyer ylli, hanë inat”.

Për të parë intervistën e plotë me komentimet e zgjeruara dhe plot humor të Gentës, mund të klikoni në videon e mëposhtme: