Telenovela e Don Xhon vijon dhe ka sërish si personazh modelen ruse, Ariana Lirey. Për ju që ndoshta s’e mbani mend, Ariana ka qenë e dashura e Don Xhon, pastaj u ndanë, më pas u fotografuan duke u puthur dhe tanimë supozohet se janë martuar.
Ariana ka postuar në InstaStory një foto ku shihet tatuazhi i sapobërë, "Mrs. Isufi". Ajo e ka shoqëruar foton me mbishkrimin: “Jemi të lidhur përgjithmonë”, duke ngjallur dyshimet se është martuar me reperin, emri i së cilit është Xhonatan Isufi.
Ariana dhe Don Xhon kanë qenë në qendër të thashethemeve për shumë kohë, veçanërisht pas ndarjes dhe dedikimeve që i bënë njëri-tjetrit nëpër rrjete sociale. Pas ndarjes së tyre, reperi u përfol për një lidhje me Era Istrefin dhe u fotografuan edhe në aeroport së bashku.
Gjiiithsesi, Don Xhon, në këngën e tij të re, "Ike", ka si protagoniste Ariana-n, ku në një pjesë të këngës shprehet: “Ti e din pasha nanën fort po t’du/ kom pas me t’marr për gru”. Tani, se e ka finalizuar apo jo ‘premtimin’ s’e dimë, por Ariana mendon se po, ndaj ka marrë dhe një hap kaq të madh, sa e ka gdhendur mbiemrin e tij në trup.
