Aurela Hoxha në mënyrë krejt sekrete është bërë nënë e dy fëmijëve, fillimisht e djalit, Alaron, e më pas, e vajzës, Luna Ea.
Sot, Alaron feston ditëlindjen dhe Aurela i bëri një urim mjaft të ëmbël, duke zbuluar kështu edhe se ai është fëmija i preferuar (deri tani).
Përmes një albumi me foto të publikuar në Instagram, Aurela shkroi: “Gëzuar ditëlindjen fëmijës sim të preferuar! (Shh, mos ia thuaj Luna/Ea). Të dua, jeta ime! Falenderoj Zotin çdo ditë që të solli në jetën time, ti i jep kuptim (asaj). Të duaaaa, të duaaam! Frymë!”, shoqëruar me një emoji me zemër të kuqe.
View this post on Instagram
Aurela, në të dyja rastet ka zgjedhur që t’i shijojë në mënyrë mjaft private shtatzënitë dhe ka ndarë me publikun lajmet e bukura në momentet kur fëmijët kanë ardhur në jetë. Ajo është shprehur në një intervistë përballë fëmijëve në “Kurtin e Piter Pan” se komentet mbi trupin dhe fëmijët e shqetësojnë shumë dhe mendohet dy herë para se t’i bëjë publike fotot:
“Është pak e vështirë kjo pamja ime e jashtme… që bëj një jetë të hapur. Megjithatë, nga ana tjetër prekem shumë në tema delikate kur publikoj fëmijën dhe komente të tilla më shqetësojnë shumë dhe kjo më bën që shumë gjëra të mia të mendohem dy herë para se t’i bëj publike", tha Aurela.
Më pas, ajo dha edhe një mesazh për nënat:
"Mesazhi im është për të gjitha ato vajzat që janë në pozicionin tim, nuk duhet të ndikohen shumë, aq më tepër në tema, si të sjellësh në jetë një fëmijë dhe gjëja e parë para se të vijë një urim janë format, sa ke marrë peshë dhe mendoj se nuk është një gjë e bukur. Mendoj se është gjëja më e bukur në jetë që të sjellësh në jetë një fëmijë. Nuk është aspak e vështirë që pastaj të kthehesh në format e tua. Mos e përjetoni si stres, por përjetojeni si gjënë më të bukur në botë dhe realisht ka qenë kjo arsyeja pse nuk kam publikuar fotot e mija sepse nuk doja të komentohesha për format e mia, ndërkohë që po përjetoja një ndjenjë aq të bukur sa është ajo e shtatzënisë”, u shpreh ajo.
Artikuj të sugjeruar:
