Ylli i Liverpool, Mohamed Salah, ka postuar një foto familjare pranë pemës së Krishtlindjes, ku shfaqet me bashkëshorten dhe vajzat e tyre, me pizhama matchy-matchy dhe uron njerëzit.
View this post on Instagram
Por, kaq u desh që komentuesit të shpërthenin në kritika për foton, për shkak se Salah i përket besimit mysliman dhe myslimanët nuk i festojnë ditët e shenjta të besimit të krishterë dhe as dekorojnë shtëpinë për Krishtlindje.
Postimi i Salah “u sulmua” nga komente të shumta me bazë fetare.
Ka nga ata që bëjnë thirrje të tjerëve që t'i bëjnë unfollow futbollistit:
Komentues që e quajnë "mysliman të rremë":
Apo që "i rikujtojnë" se Krishtlindja është "harram":
Që i thonë që "t'i vijë turp":
Madje, edhe që i kërkojnë të ndryshojë emrin:
"Ndrysho emrin dhe festo Krishtlindjen. Nuk ka Krishtlindje në islam".
Ose të mos harrojë emrin e vet:
I bëjnë thirrje edhe për respektimin e rregullave që duhet të ndjekë dhe që të mos "përziejë" fetë:
"Unë jam mysliman dhe nuk e festoj Krishtlindjen. Nuk ka ditë si Krishtlindja në islam".
"Vëlla mysliman, të duam shumë, por jemi shumë të çuditur që ti feston Krishtlindjen".
"Gjatë festimeve të Bajramit nuk feston dhe nuk poston, por për Krishtlindje feston dhe poston. Ke ndryshuar fenë?".
"Allahu të faltë!"
"Respekto islamin, vëlla".
E njëjta situatë ka ndodhur dhe në Twitter dhe shumë njerëz e kanë bërë unfollow futbollistin, duke u shprehur të prekur dhe të habitur nga postimi i tij.
"Duhet ta dish që shumë fëmijë të shohin si figurë myslimane dhe ky nuk është një shembull i mirë", shkroi dikush.
"Të kam konsideruar një futbollist të përkryer dhe gjithmonë më ke frymëzuar. Gjithsesi, pas këtij postimi, nuk mund të të shoh më si model", tha një tjetër fans.
Në botën e futbollit dhe më gjerë, Salah njihet si një besimtar i devotshëm mysliman, i cili kryen me përpikmëri të gjitha ritet fetare.
