Nuk dihet ende identiteti i saktë, por mund t’i referohemi si Flutura. E kemi fjalën për vajzën misterioze që Flori Mumajesi përqafon gjatë festës së 22-vjetorit të ditëlindjes së Arilena Arës. Siç mund ta shihni, moderatori Labinot Gashi ka shpërndarë disa foto ku Flori shfaqet me një vajzë misterioze, të cilës i zbuluan vetëm shpinën.

Referuar videove të postuara nga personazhet e njohur të pranishëm në festën e organizuar në jug të vendit, një vajzë – nga sa kuptohet në videot që kalojnë shpejt – e panjohur qëndron gjithë kohën fare pranë Florit dhe çiftit (tjetër) Alban Skënderaj dhe Miriam Cani.

Në videot e Gashit, ai ngacmon vazhdimisht Florin duke i thënë “ku është Flutura”. Duke marrë parasysh që kantautori preferon ta mbajë larg vëmendjes mediatike jetën private, nuk do të ishte çudi që “Flutura” të jetë thjesht një shaka mes miqsh.