DJ dhe producenti muzikor Tijs “Tiësto” Verëest dhe modelja Annika Backes u njohën në restorantin Catch në Neë York City në shkurt të 2015-s. Dyshja kishin miq të përbashkët dhe e nisën me këmbë të mbarë. “Filluam të dilnim bashkë dy muajt në vijim dhe vendosëm të shkonim të dy në Coachella një ditë para se të niste,” thotë Annika. “E shpenzuam fundjavën duke u argëtuar në festival, vetëm ne të dy. S’u lodhëm me njëri-tjetrin për asnjë sekondë. Madje, edhe kur u kthyem në qytet nuk donim të largoheshim nga njëri-tjetri. Aty e kuptuam ç’po ndodhte me ne.”
Tre vite më vonë, Tijs propozoi gjatë Festës së Falenderimeve. “Shkuam për pushime në Maldive,” kujton nusja. “Për fat të keq, gjatë nëntë ditëve të para atje ra shi. Tijs priti perëndimin perfekt dhe ditën tonë të fundit, koha u hap. Tijs mori me qira gjithë restorantin. Mendova se do të hanim një darkë romantike, por sapo arritëm në restorant, kuptova se diçka do të ndodhte. Kishte një shteg petalesh trëndafili që të çonte në një tavolinë të vetme dhe një bandë muzikore. Kishin sjellë verën dhe shampanjën tonë të preferuar. Ishte kaq romantike. Festuam gjithë natën në plazh.”
Çifti qëndroi i fejuar për dy vjet, që do të thotë se patën plot kohë për të planifikuar dasmën e ëndrrave. “Donim një festë në shkretëtirë, në dalje të Las Vegas. Aty na shkoi mendja të Amangiri.”
Resorti në mes të shkretëtirës së Utah e bëri dyshen të bjerë në dashuri dhe ta zgjedhë për ceremoninë. “E adhurojmë heshtjen dhe peizazhin. Të duket sikur je në një planet tjetër,” tregon Anikka. “Donim një ceremoni glamoroze, romantike dhe seksi, njëherazi natyrale dhe intime. Kështu që morëm me qira gjithë resortin për 80 të ftuarit tanë.”
Amangiri, resorti në shkretëtirën e Utah
Ftesat e dasmës, dizenjuar nga vetë nusja
Tijs dhe Annika me një fustan nga Ralph Lauren për festën pas ceremonisë
Unazat e çifit
Këpucët e nuses nga René Caovilla
Fustani i celebrimit, nga Berta
Fustani i Annika-s nga pas
Tijs kanalizon James Bond para dasmës
