Mes qindra fotosh të kuruara që shohim tek Instagram-i i Agnesa Vuthajt, çfarë bie në sy janë fotot me një vogëlushe me pamje ëngjëllore, që ndodh të jetë mbesa e saj.

Jo më larg se në fillim të këtij muaji, 1 qershor, Agnesa postoi foto me mbesën e saj të vogël që jo vetëm duket një yll, por është identike me të.

Buzë të plota, qerpikë të gjatë dhe hundë perfekte, duket sikur vogëlushja e quajtur Tuana ka lindur për kamerën. Nga mënyra si pozon, duket se jo vetëm do të vazhdojë nën hapat e hallës, por me shumë gjasa s'do të vonojë dita kur emri i saj të jetë pjesë i ndonjë projekti të rëndësishëm ndërkombëtar.

Në janar të këtij viti, Agnesa postoi një sërë fotosh bashkë me Tuanën dhe aty për herë të parë ndjekësit u magjepsën pas bukurisë dhe tipareve të saj.