Kushdo që ndjek serialin “Keeping Up with the Kardashians” e di që Khloe dhe ish- i i motrës së saj, Scott Disick kanë një marrëdhënie shumë të afërt.

Pikërisht kjo afërsi, sipas ndjekësve, tepër ~ e dyshimtë~ i ka bërë këta të fundit të mendojnë se mes tyre ka patur shumë më shumë se “shoqëri”.

Gjithçka nisi nga një postim i Khloe- s në Instagram, bërë me rastin e ditëlindjes së Scott- it, ku gjendej një grup fotosh, me kujtime të dyshes ndër vite.

Kështu, nxitur nga postimi në fjalë, mbi të gjitha nga fotografia ku Khloe dhe Scott shfaqen në një vaskë së bashku, komente të rënda rrodhën lum.

“Jam i vetmi që e sheh shoqërinë e tyre të çuditshme?” shkroi dikush e ndërsa dikush tjetër guxoi të shprehej se s’është çudi që dyshja të ketë përfunduar edhe në shtrat.

Të tjerë kanë hedhur poshtë aludimet duke thënë se të qëndruarit afër me dikë, jo domosdoshmërisht nënkupton SEKS dhe se gjithë çfarë u tha më sipër ishte tepër "logjikë fëminore".