Sekuestrohet bitcoin në vlerën rekord: Plot 3.6 miliardë dollarë!
Departamenti amerikan i Drejtësisë ka bërë me dije se është se sekuestruar më shumë se 3.6 miliardë dollarë, sekuestrimi me vlerën më të madhe të fondeve në histori.
Kjo, është pjesë e 120.000 bitcoin-eve të vjedhura në gusht 2016 gjatë një depërtimi të hacker-ëve në platformën e tregtimit të kriptovalutave Bitfinex në Hong Kong, e cila në atë kohë ishte zyra më e madhe e këmbimit online për konvertimin e bitcoin në dollarë dhe anasjelltas. Në atë kohë, shuma e vjedhur kapte vlerën e rreth 72 milionë dollarëve.
Autoritetet amerikane njoftuan gjithashtu edhe arrestimin e një çifti bashkëshortësh nga Neë York, të dyshuar për tentativë pastrimi parash.
Ky, është sekuestrimi më i madh i aseteve financiare në histori dhe rasti më i famshëm në përpjekjet e intensifikuara të shpallura së fundmi nga gjyqësori amerikan për të trajtuar aktivitetet kriminale që lidhen me kriptovalutat.
Italia nis me lirimin e masave: Heq maskat e detyrueshme në ambientet e hapura
Qytetarët italianë nuk do të jenë më të detyruar ta mbajnë maskën në ambientet e hapura, ndërkohë që autoritetet po synojnë të rrisin numrin e spektatorëve që mund të hyjnë në stadiume.
Duke nisur nga 11 shkurti e deri në të paktën 31 mars, maskat do të duhet të mbahen në vende të mbyllura që ka shumë grumbullim njerëzish.
Gjermania në mbrojtje të Ukrainës: Paralajmëron Rusinë!
Qeveria gjermane është shprehur qartë se Rusia do të përballet me pasoja të rënda nëse pushton Ukrainën, por ministri gjerman i financave nuk tha nëse do të anullohej ose jo vënia në funksionim të gazsjellësit “Nord Stream 2”.
Nga ana tjetër, presidenti amerikan Biden tha se nëse Rusia pushton Ukrainën “nuk do të ketë më Nord Stream 2”.
Si SHBA ashtu dhe Gjermania ndajnë të njëjtin qëndrim ndaj Rusisë, duke e paralajmëruar hapur për pasojat e rënda në rast se cënon integritetin territorial të Ukrainës. Gjatë një sondazhi të kryer, pjesa më e madhe e europianëve që morën pjesë ishin qartazi në krah të Ukrainës dhe kundër Rusisë. Madje, më shumë se 60% e tyre mendonin se Nato duhet t'i bashkohet vendit për t'i dalë në mbrojtje në rast se Rusia vendos të pushtojë.
Përkohësisht, Johnson & Johnson nuk do të prodhojë më vaksina kundër Covid-19
Johnson & Johnson ka mbyllur fabrikën e vetme të kompanisë që prodhonte serinë e vaksinave kundër Covid-19 vitin e kaluar. Mbyllja, thuhet se është e përkohshme dhe se prodhimi i vaksinës do të rifillojë pas disa muajsh, por ende nuk është i qartë arsyeja e pezullimit të punës.
Fabrika në qytetin holandez Leiden po prodhon një vaksinë eksperimentale, potencialisht më fitimprurëse, kundër një virusi tjetër në vend të vaksinës kundër pandemisë.
Burimi: CNN, Reuters
