Në shumë pak kohë, Meghan Markle ia doli të fitonte zemrat e njerëzve, veçanërisht falë shijes së rafinuar, sensualitetit dhe stilit të veçantë në të veshur.
Kryeredaktorja e “Vogue”, Anna Wintour u shpreh së fundmi në “Women in the World Summit” se Markle ka mundur të sjellë modernitet në familjen mbretërore.
“Imazhi që kam në mendje, Markle duke ecur e vetme për në altar, përfaqëson për mua modelin e një gruaje moderne.”
Teksa foli rreth stilit të Meghan- it, Anna pranoi se as ajo vetë s’ka mundur t’i shpëtojë efektit dhe ndikimit “Meghan Markle”.
"Së fundmi kam nisur të mendoj shumë rreth kostumeve falë dukeshës së Sussex- it.” përfundoi Wintour.
Veçanërisht, Anna përmendi veshjet e dukeshës gjatë turneut mbretëror në Australi dhe Zelandën e Re, duke i cilësuar si “momentet më të mira të saj, në aspektin e fashion- it ”.
Më poshtë do mund të gjeni disa nga daljet publike të Meghan- it, gjatë udhëtimeve të lartpërmendura:
