Ndonëse një pjesë e mirë e vajzave të showbiz-it shqipar nuk kalojnë më shumë se 3 ditë të javës në palestër për t'u ushtruar sistematikisht, duke ia besuar trupin gjenetikës dhe dietës së shëndetshme e të ekuilibruar, një pjesë nuk lë pas as palestrën. Nuk e kemi fjalën për ato rastet kur palestra kthehet në profesion (si rasti i Dorina Memës, apo Geta Beqës), por për rastet kur palestra bëhet pjesë e pandashme e stilit të jetesës.

Disa vajza të famshme shqiptare prej vitesh e frekuentojnë rregullisht palestrën, pa pushim. Urime për vullnetin!

~ Genta Ismajli ~

Që prej fillimeve të karrierës së saj, trupi i Genta Ismajlit është identifikuar gjithnjë si shumë i tonifikuar. Në një intervistë për Shëndeti.com vite më parë, Genta u shpreh:

“Në palestër shkoj rregullisht dhe për mua dhe çdo njeri besoj që është shumë e domosdoshme; normal që pas saj ndihem gati për të filluar një ditë të mbarë e të shëndetshme në punë me plot energji dhe kreativitet [...]

Gjithnjë mendoj që kaloritë e tepërta të mos jenë pjesë e ushqimit tim; por, ka raste që nuk mund ta kontrolloj oreksin në momente të caktuara për diçka që më pëlqen jashtë mase dhe pastaj e “dënoj” pak veten që të punoj më shumë në palestër. Pastaj kthehem menjëherë në normalitet për të qenë në nivelin e duhur.”

~ Dafina Zeqiri ~

Kjo është Dafina e djersitur pas palestrës. Muskujt e barkut duan punë!

Edhe pse në fillimet e karrierës së saj, për shembull teksa këndonte në Top Fest 8 “Dua që ta di”, Dafina ishte e tonifikuar, por jo në këto nivele.

Sot, Dafina ka muskujt që të gjithë i duam, por nuk e marrim mundimin t’i bëjmë.

~ Soni Malaj ~

Soni nuk bën dot pa palestër. Jo vetëm që bën ushtrime nga më të vështirat, por i kushton shumë rëndësi ushqimit.

Ajo pi rreth 4 litra ujë në ditë, e konsumon kafen me ëmbëlsues, jo sheqer, nuk pi alkool dhe maksimumi vetëm një herë në javë e përkëdhel veten me picë ose ëmbëlsirë.

Dieta e saj është e pasur me zarzavate, fruta, peshk, mish pule/viçi etj dhe pije proteinike për njerëzit që ushtrohen në palestër.

~ Aulona Musta ~

Në Instagram-in e Aulonës gjen më së shumti: video nga “Thumb” dhe video nga palestra.

Prej kohësh, moderatorja e ka bërë palestrën stil jetese, rezultatet e të cilës vihen re dukshëm. Një tjetër ditë e nisur duke bërë një ndër gjërat që më jep më shumë kënaqësi: stërvitja! Shpeshherë njerëzit përreth nuk do ta kuptojnë pasionin tënd e shumë do ta quajnë fiksim. Po kujt po i intereson fundja?” shkruan në një postim në Instagram.

~ Aurela Gaçe ~

Aq të famshme u bënë pompat e Aurelës, sa çunat e “B.E Coffee” nuk hezituan t’i kthenin në skeçe.

Ndonëse qëllimi i këngëtares nuk është që të ketë shumë muskuj, kjo nuk e pengon të ushtrohet sistematikisht. Ajo performon thuajse çdo javë live ndaj ka nevojë për energji, shumë energji.

~ Orinda Huta ~

Fakti që Instagram-i i Orindës është i mbushur më së shumti me foto dhe video të emisionit në Tv Klan, “Jo vetëm modë”, kjo nuk do të thotë që moderatorja nuk stërvitet.

Ndërkohë që ne flemë, Orinda ka ngrënë mëngjes, ka shkuar në palestër, ka bërë dush dhe është nisur për në punë. :(

~ Xhemi Shehu ~

Xhemi është e bekuar nga gjenetika, pasi ka pasur një trup të tonifikuar edhe kur nuk merrej me palestër. Megjithatë kujt i bënë dëm disa ushtrime më tepër?

Nisur nga Instagram-i, ajo ushtrohet rregullisht dhe praktikon më së shumti CrossFit.

~ Klea Huta ~

Njësoj si Xhemi, edhe Klea praktikon zakonisht CrossFit – një regjim i caktuar në palestër që konsiston në ushtrime me ritme të shpejta, peshëngritje, gjimnastikë, hedhje dhe ushtrime të tjera. CrossFit u themelua nga Glassman dhe Lauren Jenai në vitin 2000.