Hera-herës, për vite me radhë, Leonardo DiCaprio është përfolur për disa lidhje, një pjesë e të cilave kanë mbetur në kuadrin e thashethemeve, si – me Paris Hilton, Rihanna-n, Miranda Kerr, Demi Moore etj – ndërsa disa të tjera janë konfirmuar.
Mesa duket, ish-të dashurat e tij, të paktën ato të më të njohurat, kanë një të përbashkët: mosha e re. Një përdorues i Reddit analizoi disa nga ish-të dashurat e aktorit dhe vuri re ai nuk kishte pasur asnjë lidhje me dikë mbi 25 vjeç.
Referuar grafikut të mësipërm, mosha mesatare e partnereve të DiCaprios- është 22.9 vjeç. Vetëm 3 nga tetë gra ishin 25 vjeç: modelja Bar Rafaeli (2005-2010),
modelja Kelly Rohrbach (2015)
dhe modelja tjetër Nina Agdal (2017).
Aktori ka qenë në një lidhje edhe me modelen gjermane Toni Garrn, 2013-2014 dhe asokohe ajo ishte 20-21 vjeç.
Një tjetër modele 22-vjeçare i shtohet listës: ylli i Victoria’s Secret Erin Heatherton.
Në 1999-n, ai ishte në një lidhje me Gisele Bundchen, në atë kohë vetëm 18 vjeç. Ata u ndanë në 2005-n.
Për disa muaj, në 2011-n aktori pati një romancë edhe me Blake Lively-n. Më në fund një aktore që lidhet me DiCaprio-n, pas listës së gjatë me modele.
Së fundmi, ai thuhet se është në një lidhje me modelen argjentinase Camila Morrone, 21 vjeç.
Pra, nëse jeni nga 18-25 vjeç, (bjonde dhe modele përbën avantazh) keni shanse të lidheni me DiCaprio-n...të paktën statistikisht.
