Largimin e saj nga programi “Stop”, Alesia Bami e shoqëroi me disa deklarata të njëpasnjëshme. Fillimisht, ish-velina tregoi se është hequr nga puna vetëm me një sms, e ndërsa pas reagimit të televizionit Klan, Alesia tha se nuk kishte punuar kurrë me kontrate dhe se Kodi i Punës nuk respektohej.

Mbrëmjen e sotme, gjatë emisionit investigativ, ishte Saimir Kodra ai i cili ndonëse nuk përmendi emra, theksoi se balerinat punojnë sipas rregullave, me kontratë dhe siguracione.

Gjatë një njoftimi për të ftuar të gjitha vajzat që dinë të kërcejnë,të paraqiten për të qenë pjesë e “Stop”, ai i kushtoi vëmendje faktit se aty, balerinat punojnë në bazë të një kontrate, si për të hedhur poshtë deklaratat e ish-velinës.