Së fundmi mësohet se këngëtarja amerikane Demi Lovato ka ndaluar së ndjekuri në Instagram disa prej miqve të saj më të mirë. Sipas ET 26- vjeçarja ka fshirë nga Instagrami shumë njerëz të famshëm mes tyre edhe miqtë e saj të vjetër Nick Jonas, Selena Gomez dhe Iggy Azalea.

Në rastin e Selena-s duket se Demi vetëm sa ka kthyer një nder, pasi ishe ajo që e fshiu e para në fillim të këtij viti. Por ende mbeten të paqarta shkaqet që kanë ndikuar në këtë veprim të 26- vjeçares kundrejt të tjerëve.

Ndërkohë njerëzit mendojnë se ajo e ka marrë një vendim të tillë pasi është në kërkim të miqve të vërtetë në këtë fillim të ri të sajin.

Në korrik të këtij viti këngëtarja iu nënshtrua rehabilitimit për shkak të problemeve me mbidozën. Ajo e la qendrën e rehabilitimit për t’iu kthyer jetës normale në fillim të këtij muaji, ndërkohë që mediat e huaja bëjnë me dije se për një periudhë kohe Demi nuk e ka ndër mend t’i kthehet muzikës.