Sipas Indeksit të Pasaportave Henley, pasaporta më e fuqishme e vitit 2018 është ajo japoneze. Mbartësit e pasaportës japoneze mund të udhëtojnë pa nevojën e një vize në më shumë shtete se çdo pasaportë tjetër.

Shtetasit japonezë fituan të drejtën e udhëtimit të lirë drejt Mianmarit, duke pasur kështu akses pa vizë apo me vizë të siguruar në vendmbërritje në 190 shtete. Pasaporta e Singaporit, që ishte dikur më e fuqishmja, siguron akses pa vizë në 189 vende.

Në vend të tretë ndodhen pasaportat gjermane, franceze dhe koreano-jugore. Pasaporta e Shteteve të Bashkuara ra në vendin e pestë, me akses në 186 shtete, pas Danimarkës, Finlandës, Italisë, Suedisë dhe Spanjës. Shtetet e Bashkuara dhe Britania e Madhe mbanin vendin e parë në 2015-n me pasaportat më të fuqishme.

Emiratet e Bashkuara Arabe u ngjitën nga vendi i 62-të në 2006-n, në vendin e 21 në 2018-n. Një pasaportë e Emirateve të Bashkuara Arabe siguron akses pa vizë në 161 vende të botës.