Të gjithë e kanë kaluar të paktën një herë në jetë fazën “ballabokser”.
Modeli i njohur ndryshe si “kokëtasi” është arsyeja pse ca foto të fëmijërisë apo më keq, të adoleshencës, kujdesemi që t’i zhdukim nga qarkullimi.
Por nëse ju e keni fatin t’i harroni vitet e ballaboksit, këta VIP-a jo vetëm që s’i harrojnë dot, por tani fotot e tyre me prerjen më të famshme të të gjitha kohërave mund t’i shikojnë të gjithë.
Share, like, koment: le ta bëjmë ballaboksin trendin më IN përsëri!
Dje, Luana Vjollca u punoi një rreng ndjekësve duke i bërë të besojnë se ishte kthyer në brune. Ishte një shaka, megjithatë na kujtoi Luanën e vjetër, që flokët natyrale i ka ngjyrë gështenjë.
Dhe pastaj na u kujtua kjo. Luanators, ballaboksators!
Po që Noizy ka qenë bjond kur ishte i vogël, e dinit? Bjond dhe sigurisht, ballaboks.
Kurse Ledri ishte kaçurel. Ngaqë ishte kaçurel, pavarësisht prerjes flokët s’i rrinin si tas, megjithatë në këtë foto ndihet energjia ballaboksiane.
Çiljeta ka patur ndoshta fazën më të gjatë të ballaboksit, pasi edhe kur ishte 12 vjeç, në foto, ka një model të ngjashëm.
Aurela Gaçe është ndër pioneret e ballaboksit dhe është krenare për këtë model, aq sa para ca vitesh e riktheu në një mënyrë shik.
Edhe Dafina Zeqiri ka qenë ballaboksase, madje edhe me kapëse; qershia mbi tortë.
Majku ka një formë më të moderuar të ballaboksit, por me apo pa gjatësi, ballaboksi duket mbi ballë.
Dhe në fund, Butrint Imeri me flokët model ballaboks. E lamë për në fund, sepse asgjë nuk e shpjegon më mirë traumën që ka lënë ballaboksi në vetëvlerësimin tonë, se shprehia e fytyrës së tij.
Copyright Anabel.al / Ndalohet ribotimi pa lejen e redaksisë.
