Samanta Togni-t i ka ardhur në majë të hundës duke parë ndeshje. Nëse nuk do të ishte për të dashurin e saj Christian Panucci, trajner i ekipit të Shqipërisë, s’do të kishte parë ndeshje.

I thonë 3 ndeshje në 2 ditë!

“Kam parë 3 ndeshje në 2 ditë”, thotë Samanta në Instagram, “A do të më jepni një çmim për këtë?”

Mund ta merrni me mend se  Samanta s’do ta kishte me ndonjë qejf të madh po të ishim kualifikuar, se kush rri e shikon ndeshjet. Pastaj, ne na ngrenë nervat shokët kur i kushtojnë më shumë rëndësi ndeshjeve sesa ne, imagjino të kesh një të dashur që është trajner dhe po konkurron në botëror.

Nejse, thënë të gjitha këto, më në fund ata u takuan dhe kjo është më e rëndësishmja. Samanta është balerinë e njohur në televizionin italian dhe për shkak të angazhimeve i duhet të qëndrojë në Itali, por e kishte marrë shumë malli për Christian-in.

Aq shumë, sa përpara disa ditësh po shikonte me nostalgji fotot e vjetra me të dhe postoi këtë foto nga ditët që kaluan bashkë në Paris.