Që kur u nda nga Katie Holmes në 2012-ën, Tom Cruize nuk ka pasur asnjë lidhje të rëndësishme.
Photo Courtesy of The Sun
Por tani, aktori 54-vjeçar ka rënë në dashuri me bashkëprotagonisten e filmit “Mission: Impossible 6”, 28-vjeçaren Vanessa Kirby. Ai vendosi ta merrte në audicion pasi pa rolin e saj në serialin “The Crown”, sipas revistës “InTouch Weekly”.
Photo Courtesy of Glamour
Burime pranë Tom-it thonë se aktori, i cili në shkurt humbi nënën Mary Lee Pfeiffer, po kërkon dikë me të cilën të krijojë familje.
“Ai u tha producentëve të tjerë të “Mission Impossible” se duhet ta kishte patjetër Vanessa-n në një rol të rëndësishëm për serinë e gjashtë të filmit.”, shprehen burimet.
Sapo u takuan në sheshxhirim, tregojnë se u dallua menjëherë kimia mes tyre. Kështu, Vanessa u përzgjodh për rolin. Tani ai po mendon për një të ardhme bashkë me aktoren. “Ai do ta kthejë atë në zonjën e ardhshme Cruise.”
Tom nuk pati role në krah të bashkëshortes së parë Mimi Rogers apo gruas së tretë, Katie Holmes. Por me bashkëshorten e dytë, Nicole Kidman, luajti në filmat “Days of Thunder” (1990), “Far and Away” (1992) dhe “Eyes Wide Shut” (1999), ku binte në sy kimia e rrallë mes të dyve.
Ata u martuan në '90-ën dhe u ndanë pas 11 vitesh.
“Mission: Impossible 6” do të dalë në kinematë botërore më 27 korrik të 2018-ës.
Burimi: “DailyMail”
